ప్రతి నెల పెన్షన్ పంపిణీ సందర్భంగా టీడీపీ అధినేత చంద్రబాబు నాయుడు వ్యవహరిస్తున్న తీరుపై నెటిజన్లు తీవ్ర వ్యంగ్యస్త్రాలు సంధిస్తున్నారు. “నెలకోసారి పింఛన్ పంచుతూ చంద్రబాబు చాలా బాగా నటిస్తున్నాడు” అంటూ సోషల్ మీడియాలో పోస్టులు వెల్లువెత్తుతున్నాయి.
చంద్రబాబు తన ప్రీ-ప్లాన్డ్ పీఆర్ టీమ్‌తో కలిసి, మైకులు చొక్కాకు తగిలించుకుని పేదల ఇళ్లకు వెళ్లడంపై నెటిజన్లు విమర్శలు గుప్పిస్తున్నారు. అక్కడ పేదలకు కూడా మైకులు అమర్చి, వారికి రాసిచ్చిన స్క్రిప్ట్ ప్రకారం మాట్లాడిస్తున్నారని, తద్వారా పేదలను ఉద్ధరిస్తున్నట్టు బాబు నటిస్తున్నారని ఆరోపిస్తున్నారు.
ఈ వ్యవహారాన్ని “నట బీభత్స”గా అభివర్ణిస్తూ, చంద్రబాబు ఆ పాత్రలో ఒదిగిపోతున్నారని నెటిజన్లు ఎద్దేవా చేస్తున్నారు. డప్పు కొట్టడం, చెప్పులు కుట్టడం, మట్టికుండలు తయారు చేయడం, హోటల్‌లో చాయ్ కలపడం వంటి “స్క్రిప్టెడ్ నటనకు” సంబంధించిన వీడియోలను షేర్ చేస్తూ నెటిజన్లు చంద్రబాబును ఆట పట్టిస్తున్నారు. ఈ వీడియోలు సోషల్ మీడియాలో వైరల్ అవుతూ, నెటిజన్ల మధ్య తీవ్ర చర్చకు దారితీస్తున్నాయి.
ఈ పరిణామం చంద్రబాబు నాయుడు ప్రజా సంబంధాల వ్యూహాలపై, అలాగే ఆయన ప్రతి నెల పెన్షన్ పంపిణీని నిర్వహించే విధానంపై ప్రజల్లో ఉన్న అభిప్రాయాలను ప్రతిబింబిస్తుంది.
వీడియో
