వైసీపీ మాజీ మంత్రి పేర్ని నాని తన వాదనలతో టీడీపీని ఉక్కిరిబిక్కిరి చేయడంలో దిట్ట. ఆయన చాలా లాజిక్గా మాట్లాడుతుంటారు. అయితే, ఇటీవల ఆయన పేరు మళ్ళీ వార్తల్లో నిలిచింది. మొన్నటికి మొన్న పేర్ని నానిని టార్గెట్ చేసుకుని రేషన్ బియ్యం కేసు తెరపైకి వచ్చింది. ఆయన భార్య పేరు మీద ఉన్న గోదాముల నుంచి భారీ స్థాయిలో రేషన్ బియ్యం పక్కదారి పట్టినట్లు తేలింది. అప్పట్లో కేసు నమోదు చేసినప్పుడు ఆయన కుటుంబమంతా అజ్ఞాతంలోకి వెళ్లిపోయారు.
అయితే, ఆ సమయంలో పేర్ని నాని అప్పటి ముఖ్యమంత్రి చంద్రబాబును కీర్తించారు. నాని భార్యపై కేసు నమోదు చేసి అరెస్టు చేయాలని ఒక మంత్రి చంద్రబాబు వద్ద వ్యాఖ్యానించగా, ఆయన అలా చేయడం తప్పని వారించారని, చంద్రబాబులో ఉండే గొప్పతనం అదేనని పేర్ని నాని అప్పట్లో వ్యాఖ్యానించారు. బియ్యం కేసులో ముందస్తు బెయిల్ రావడంతో, ఆ కుటుంబం మళ్ళీ తెరపైకి వచ్చింది. పేర్ని నాని సైతం యాక్టివ్ అయ్యి, చంద్రబాబుతో పాటు లోకేష్పై తీవ్ర స్థాయిలో విరుచుకుపడుతున్నారు.
సంచలన వ్యాఖ్యలు, అజ్ఞాతం
ఇటీవల చంద్రబాబును “చంపినా తప్పు లేదంటూ” పేర్ని నాని సంచలన వ్యాఖ్యలు చేశారు. “రప్పా రప్పా అనడం కాదని.. కన్ను కొడితే పట్ట పగలైనా వేసేయడానికి సిద్ధంగా ఉండాలని” వ్యాఖ్యానించారు. దీంతో ఆయనపై రాష్ట్ర వ్యాప్తంగా కేసులు నమోదయ్యాయి. తప్పకుండా ఆయన అరెస్టు జరుగుతుందని అంతా ప్రచారం నడిచింది. ఈ పరిణామాలతో పేర్ని నాని మరోసారి అజ్ఞాతంలోకి వెళ్లిపోయారు. మంగళవారం ఆయన పెట్టిన ముందస్తు బెయిల్ పిటిషన్ విచారణకు రానుంది. అందులో అనుకూలంగా తీర్పు వస్తే మళ్ళీ ఆయన తెరపైకి వచ్చే అవకాశం ఉంది.
ప్రస్తుతానికి వైఎస్సార్ కాంగ్రెస్ పార్టీలో ఎంతో కొంత దూకుడుగా మాట్లాడగలుగుతున్న నాయకులలో పేర్ని నాని ఒకరు. అందుకే ముఖ్యమంత్రి జగన్మోహన్ రెడ్డి సైతం ఆయనకు స్వేచ్ఛనిస్తున్నారని రాజకీయ వర్గాల్లో చర్చ జరుగుతోంది.
