ప్రభుత్వ రంగ సంస్థల విషయంలో ఏపీ సీఎం చంద్రబాబు నాయుడు వైఖరి ఎప్పుడూ విమర్శల పాలవుతూనే ఉంది. ‘అభివృద్ధి’ నినాదాన్ని పక్కనపెట్టి, ప్రజా ఆస్తులను ప్రైవేటుపరం చేయాలనే ధోరణి ఆయనలో బలంగా ఉందనేది మేధావులు, విశ్లేషకుల ప్రధాన ఆరోపణ.
నాటి నిజాం షుగర్స్ పరిశ్రమను ప్రైవేటీకరించడం వల్ల వేలాది మంది కార్మికుల జీవితాలు అంధకారంలో పడ్డాయి. సంస్థను లాభాల బాట పట్టించే ప్రణాళికలు రూపొందించకుండా దానిని అనుకూల వ్యక్తులకు కట్టబెట్టడం అప్పట్లో తీవ్ర విమర్శలకు దారితీసింది. ఇది ఆయన కపటత్వానికి ఒక ఉదాహరణగా నిలిచింది.
ఇప్పుడు, దేశానికే గర్వకారణమైన విశాఖ ఉక్కు పరిశ్రమ ప్రైవేటీకరణ అంశం చర్చకు వచ్చినప్పుడు కూడా, చంద్రబాబు వైఖరిలో పెద్దగా మార్పు కనిపించడం లేదు. ప్రభుత్వ సంస్థలు ప్రజలకు, రాష్ట్రానికి ఆర్థికంగా వెన్నెముకగా నిలుస్తాయి. వాటిని కాపాడటం ప్రతి పాలకుడి బాధ్యత.
చంద్రబాబు కి ప్రభుత్వ రంగ సంస్థలను అభివృద్ధి చేసే ఆలోచన కంటే, వాటిని ప్రైవేటు పరం చేసి, తన అనుకూల వర్గాలకు అప్పగించాలనే ఆలోచనే ఎక్కువ. ప్రభుత్వ రంగ సంస్థలను లాభాల వైపు నడిపించడానికి కృషి చేయకుండా, నష్టాలను సాకుగా చూపి అమ్మేయాలనే ఈ ధోరణి ప్రజల సంపదను పణంగా పెట్టడమే అవుతుందని విమర్శకులు స్పష్టం చేస్తున్నారు.
సంస్కరణల పేరుతో ప్రజా ఆస్తులను నిర్వీర్యం చేయడం, ఉపాధి అవకాశాలను దెబ్బతీయడం సరైన పాలన కాదనేది విశ్లేషకుల అభిప్రాయం.
https://x.com/JaganannaCNCTS/status/1990406483612176802?s=20
