ప్రశ్నిస్తానంటూ ప్రజల్లోకి వచ్చాడు పవన్ కళ్యాణ్. ప్రతిపక్షంలో ఆయన ప్రశ్నలు చూసి అధికారం కట్టబెట్టారు. తమ ప్రభుత్వం వస్తే ఆడబిడ్డల వైపు చూడాలంటేనే భయపడేలా చేస్తానంటూ పెద్ద పెద్ద డైలాగులు చెప్పారు డిప్యూటీ సీఎం గారు. కానీ ఇప్పుడు ఏపీలో జరుగుతున్న ఆకృత్యాలను ఆయనే అరికట్టలేకపోతున్నారు.
ఇటీవల ఏపీలో హత్యలు, అత్యాచారాలపై పవన్ ఫస్ట్రేట్ అయ్యారు. హోంమంత్రి అనితకు వార్నింగ్ ఇస్తూ ఆమె చురుకుగా లేకపోతే ఆ పోస్ట్ తాను తీసుకుంటానంటూ స్పష్టం చేశారు. అయినా ఏపీలో నేతల తీరు మారడం లేదు
తాజాగా మండల సమావేశానికి పిలిచి చీరలు, జడలు పట్టి లాగారని MPP సాయిలీల వాపోయిన వీడియో వైరల్ అయ్యింది. పోలీసుల ముందే తమపై ఈ దారుణం చేస్తే ఎవ్వరూ పట్టించుకోలేదని ఆమె వాపోయింది.
మహిళలను ముట్టుకోవాలంటే భయపడేలా చట్టాలు తీసుకొస్తా ఆన్న
పవన్ ఎక్కడ ? అంటూ ఇప్పుడు నెటిజన్లు ప్రశ్నిస్తున్నారు. ప్రజాస్వామ్యంలో ఉన్న వాళ్ళనే ఇలా అవమానిస్తున్నారు ఇక సాధారణ ప్రజలకు గౌరవం ఉందా…?? అని నిలదీస్తున్నారు. ఇదేనా నీ 40 ఏళ్ల రాజకీయం అంటూ సీఎం చంద్రబాబును ట్యాగ్ చేసి ప్రశ్నిస్తున్నారు.
